ពលរដ្ឋដែលមានជម្លោះដីធ្លីនៅខេត្តព្រះវិហារថា ក្រុមហ៊ុនប្រើទាហានឈូសឆាយដីដំណាំពួកគាត់ដើម្បីធ្វើផ្លូវ
ពលរដ្ឋដែលមានជម្លោះដីធ្លីជាមួយក្រុមហ៊ុន មេត្រីភាព នៅឃុំយាង ស្រុកជាំក្សាន្ត ខេត្តព្រះវិហារ អះអាង ខាងក្រុមហ៊ុនរបស់ឧកញ៉ា អាន ម៉ារឌី ប្រើប្រាស់កម្លាំងទាហាន ឈូសឆាយដីចម្ការពួកគាត់ ដើម្បីបើកផ្លូវ ទុកឲ្យអាជ្ញាធរស្រុក និងខេត្ត ធ្វើដំណើរមកដោះស្រាយបញ្ហាដីធ្លី នៅពេលខាងមុខ។ អង្គការសង្គមស៊ីវិលយល់ថា ប្រសិនបើមានសកម្មភាពពិតប្រាកដ ដូចការលើកឡើងពីប្រជាពលរដ្ឋមែន នោះខាងក្រុមហ៊ុន គឺរំលោភលើសេចក្ដីសម្រេចរបស់អាជ្ញាធរថ្នាក់ខេត្ត ដែលដាក់ចេញកន្លងមក ហើយក៏រំលោភលើបទបញ្ជារបស់ក្រសួងការពារជាតិដែរ។ …
